Wisata Gresik - Sejarah Situs Peninggalan Kejayaan Giri Kedaton

Wisata Gresik - Sejarah Situs Peninggalan Kejayaan Giri Kedaton

“…..is het ogenblik voor Praboe Satmata gekomen om zich aan de weereld tee openbaren. Hij vestig zich op de berg (Sanskriet: Giri) bij Grisse en wordt de eeste der befamde Soenans Van Giri…..”
“…..iki wes wayahe Prabu Satmata ngumumno ndek wong-wong sakndunyo sopo iku ingsun. Manggon ndek nduwure gunung cedak Gresik karo dadi wong seng paling awitan terkenal teko Sunan-sunan seng onok…..”

Geschieden Van Indonesie (Dr. H.J. de Graaf)

Sakben tanggal 9 Maret, Gresik mesti ngadakno peringatan ualang taune kota. Teko nimbang-nimbang sejarah mbengen, yoiku teko kedadian puenting tanggal 9 Maret 1487 opo 12 Robiul Awal 897 H. Pas iku Kanjeng Sunan Giri diangkat dadi rojo ndek Giri Kedaton ambek dike'i gelar Prabu Satmata.

Diangkate Kanjeng Sunan Giri dadi rojo iu iso diarani patokane sejarah awitane lahire dinasti Kerajaan Giri Kedaton. Koen kabeh kudu weruh rek, sakdurunge Kerajaan Giri Kedaton iki ngadek, Gresik iku dadi bagian daerah kadipaten Kerajaan Majapahit. Buktine iso didelok teko Prasasti Karang Bogem seng digawe taun 1387 seng isine yoiku Majapahit ngongkon adipati seng jenenge Adipati Tambak seng tugae ngurus pajek olehe wong-wong panen tambak sengg kudu disetorno ndek Majapahit. Panggonane prasasti Karang Bogem iku kiro-kiro onok ndek Tanjung Wedoro Mengare, Bungah.

Ket kanjeng Sunan Giri mbangun kerajaan ndek Giri Kedaton, yo otomatislah ndadekno Gresik karo Majapahit gak wawuh. Polae Majapahit nganggep Giri Kedaton karo Sunan Giri iku mungsuh bebuyutan, Majapahit wes onok peng piro ae nyobak mateni Sunan Giri tapi blas gadas gak iso. Pas Giri Kedaton dipimpin karo Kanjeng Sunan Giri, Giri Kedaton iku dadi tambah guedhe atek cuepet pisan.
Ibu kota kerajaan dibangun istana lengkapyo onok taman-tamane, mesjid,  pondok pesantren sak asramahe gawe santrisantri seng mondok. Santri-santrine Kanjeng Sunan Giri iki gak cuman teko daerah Gresik dewe ae, tapi teko njobo yo gak kurang akehe, koyok teko Meduro, Lombk, Makassar Hittoe karo Ternate.

Bareng pas Majapahit ambruk, yo Kerajaan Giri Kedatontambah guedhe ae, Kanjeng Sunan Giri karo Giri Kedator dadi terkena, akhire Giri Kedaton dadi rujukane kerajaan-kerajaan islam ndek Nusantara nek kerajaan-kerajaan iku nduwe masalah hukum islam karo bab agomo islam liyane mesti moro nang Giri Kedaton, termasuk Kerajaan Demak Bintoro yo mesti nang Giri nek onk opo-opo. Maklum lah Giri Kedaton kan pas iku dadi pusate wali songo kumpul diskusi.

Iki loh rek urutan silsilah gantine rojo ndek Giri Kedaton

1.     Sunan Giri (1487-1511)
2.     Sunan Dalem (1511-1551)
3.     Sunan Sedomargi (1551-1553)
4.     Sunan Prapen (1553-1587)
5.     Sunan Kawis Guwo (1587-1601)
6.     Panembahan Kawis Guwo (1601-1614)
7.     Panembahan Agung (1614-1638)
8.     Panembahan Mas Winata (1638-1660)
9.     Pangeran Puspa Ita (1660-1680)
10.     Pangeran Wirayadi (1680-1703)
11.     Pangeran Singonegoro (1703-1725)
12.     Pangeran Singosari (1725-1743)

Weruhono silsilah nenek moyang mu iki rek, mosok wong Gresik gak weruh urutane rojo Giri Kedaton, ojok artis sinetron karo penyanyine ndangdut koplo tok seng mbok apalno.