Wisata Gresik - Pantai Pasir Poteh Pulau Benteng Lodewijk Desa Mengare, Kecamatan Bungah, Kabupaten Gresik

Wisata Gresik - Pantai Pasir Poteh Pulau Benteng Lodewijk Desa Mengare, Kecamatan Bungah, Kabupaten Gresik

Mengare salah situke deso ndok di Kabupaten Gresik seng onok ndek pesisir Laut Jowo, nek didelok teko aturan administrasi Deso Mengare iki melbu ndek Wilayah Kecamatan Bungah seng wong-wonge nyambut gawene roto-roto miyang ndok laut golek iwak karo ngurusi tambak.

Mengare biyen iku Pulo ndok segoro seng pisah teko pulo Jowo, onoke ndok muara kali Bengawan Solo lawas, sakdurunge muara kali Bengawan Solo dialekno ndok Ujung Pangkah karo bongso penjajah Londo. Tapine saiki wes dak onoh maneh seng diarani pulo Mengare, lah polae sakingg akehe lumpur endepan seng kegowo barek kali Bengawan Solo seng ndadekno majune garis pantai kiro-kiro 20 meter per taune, sampek akhire puo Mengare ilang dadi sitok karo pulo Jowo, polae banyu seng misahno Mengare wes kurugan lumpur.

Deso Mengare iki adoh teko ramene kuto, jarak e kiro-kiro 5 km teko pertigaan Deso Sembayat seng seseh tengen dalan, nek koen teko Kota Gresik. Deso Mengare iki terkenal seru ndok wong asli Gresik, opo maneh nek pas Pasar Bandeng, iwak Bandeng asal Deso Mengare jelas dadi incerane wong seng apene tuku bandeng ndok Pasar bandeng masio ta regone Bandeng Mengare iku larang seru.

Lah nek perkoro panggonane rekreasi , wisata ndok deso Mengare iki melbu panggonan wisata seng apik seru, koyok wisata sejarah tinggalane penjajahan Londo seng rupo pulo cilik, pasire poteh, nduwe alas seng sek asli, lah ndok pulo iku dibangun benteng tinggalane bongso Londo (Benteng Lodewijk), mangkane pulo iku diaani wong-wong Gresik “PULO BINTING”.

Benteng seng dibangun barek bongso Londo iku biyen digawe perang ambek wong-wong teko bongso Portugies seng yo kepingin ngrebutno pulo Jowo liwat teko segoro lor Gresik.

Sayange sarana moro ndok panggonan wisata seng apik ambek bek cerito sejarah iki elek seru, mosok mlaku nang panggonan wisata seng jarake cumak 5 km ae mbutuhno waktu ambek tenogo akeh, polae dalan seng diliwati ciut seru, mosok digawe papas an ae cuman isk montor sitok karo sepeda montor sitok, durung maneh nek pas nang lupone mesti kudu nyewo prau wong nelayan gawe nyebrang ndok pulo binting.
Mugo-mugo lah iki isok direken ambek Pemkab Gresik cek iso ngapik i keadaane iki cek Mengare iso dadi daerah Gresik seng rame wong rekreasi mrono, yo iso dadi mlakune perekonomian wong-wong Mengare.