Gresik seng diarani Kota Santri ngoco teko akehe masjid seng onoke ewonan jumlahe, durung termasuk langgar-langgar cilik-cilik seng onok ndok sakben RT sak Kabupaten Gresik.
Yo onok seng sak RT sampek onok langgar loro. Lah teko akehe masjid ambek langgar ndok Gresik, ono sala situke masjid seng dadi acuhan hukum, ajaran yo keputusan masalah agama islam ndok Gresik, yoiku Masjid Jami' Gresik.
Masjid Jami' Gresik iki onok ndek sebelah kulone alun-alun kota Gresik, ndok Jl. K.H. Wachid Hasyim. Sak liyane Masjid Jami' Gresik seng digawe acuhan sumber ajaran agomo ndok Gresik yo onok Masjid Sunan Giri nodk Kecamatan Kebomas, Masjid Kyai Gedhe ndok Kecamatan Bungah ambek Masjid Kanjeng Sepuh ndok Kecamatan Sedayu.
Opo'o masjid ndok kulone alun-alun iki diarani Masjid Jami', polae yo ukuran masjid iki yo gedhe, yo didadekno masjid kota, tapi seng pasti masjid iki cocok diarani masjid Jami' polae umure masjid iki seng wes tuwo, paling tuwo ndok Kabupaten Gresik, lah nek jarene sejarawan, masjid Jami' Gresik iki yo paling tuwo ndok tanah Jowo.
Masjid Jami' Gresik sak durunge direnovasi
Masjid Jami' Gresik sak marine direnovasi
Ngoco teko ceritane wong-wong sejarawan, nek masjid iki dibangun karo Syekh Maulana Malik Ibrahim seng onok tulisane dibangun taun 1400 Masehi, biyen jamane Syekh Maulana Malik Ibrahim Masjid iki sek cilik, podo karo ukurane langgar-langgar ndok RT-RT, lah sekitar taun 1600 Masehi jaman Bupati Poesponegoro, masjid iki dirombak didadekno luweh gedhe polae wes gak kamot maneh momot jama'ah sembayang, opo maneh pas sembayang Jum'at, lah wong sampek saiki masio ta wes gedhe yo sek gak kamot ae nek pas sembayang Jum'at, wong sembayang sampek nang dalan-dalan.
Masjid Jami' Gresik iki yo di parani wong-wong seng mari teko ziarah ndok Makam Sunan Gresik ambek Makam Sunan Giri, jarene wong-wong seng ziarah iki nek ditakoni opo'o kok mesti moro mampir sembayang ndok Masjid Jami' Gresik, Padahal ndok sekitare makam lak yo akeh langgar? jarene wong-wong iki ngarani gak komplit nek gak sembayang ndok masjid seng sejarahe dadi masjid paling tuwo ndok tanah Jowo.
Post a Comment