Arek loro seng sekolah ndok Minu Tratee Putra Gresik, arek seng dadi kebanggaane wong-wong Kuto Nggersik Noval Ilham A ngolehno Medali Perak ambek Tangguh Ahmad F oleh Medali Perunggu. Arek-arek iku sukses ngolehno medali ndok Olimpiade IMC (International Mathematics Contest) seng diadakno ndok negoro Singapura pas tanggal (30-31/7).
Pas arek-arek iku sampek Kota Nggersik teko Negoro Singa Putih iku langsung disambut ambek guru-guru yo siswa-siswa liyane ndok latare sekolahan Minu Tratee Putra Gresik, arek loro iku ngaku seneng masio ndok Olimpiade Internasional iku arek-arek iku mek ngolehno Medali Perak (Noval Ilham A) karo Medali Perunggu (Tanggu Ahmad F), “Kami senang karena bisa mengharumkan nama sekolah dan Indonesia.” Jarene arek loro seng seneng ambek pelajaran matematika.
Ndok Olimpiade iku, arek loro iki sukses nyingkirno wakile tuan rumah Singapura yo iso nungkuli bijine teko wakil-wakil negoro liyane. Koyok teko China, Myanmar, Hongkong, Korea Selatan, Thailand, Malaysia, Filipina, India, Vietnam, ambek Brunei Darussalam.
Noval Ilham A karo Tangguh Ahmad F ngaku sek durung lego atine, mangkane arek loro iku kepingin melu maneh ndok Olimpiade seng apene diadakno maneh, arek loro iku sek kepingin oleh Medali Emas, "Ingin mengikuti Olimpiade tingkat Internasional lagi supaya bisa dapat medali emas. "Jarene arek loro iku.
Lah Kepala Sekolah Minu Tratee Putra Gresik Huda Arifin ngomong. Alhamdulillah arek loro siswa teko Minu Trate Putra seng melu Olimpiade Internasional iku sukses ngolehno juara : Noval Ilham A. Medali Perak ambek Tangguh Achmad F. Medali Perunggu. Matur Suwun teko dungo, dukungan bantuan, motivasi, pemikiran teko kabeh pihak, mugo prestasi Minu Tratee iso tambah apik terus, ambek iso dimelok’i ambek sekolah-sekolah liyane ndok Kuto Nggersik, Amiin. Tak sampekno Matur Suwun yo karo konco-konco wartawan Gresik seng wes gelem ngeliput kesuksesane arek-arek iki, yo aku njalok dungone mugo-mugo iso sukses saklawase. Amiin.
Sukses Selalu untuk Kota Gresik dan Indonesia.
Post a Comment