SITI FATIMAH BINTI MAIMUN yo onok seng ngarani “PUTRI RETNO SUWARI”. Anak Sultan Mahmud Syah Alam teko negoro Kamboja iki sampek ikhlas gelem didadekno persembahan gawe ngislamno Rojo Mojopahit seng agomone sek Hindu.
Bentuk kuburane rodok aneh, polae bentuk cungkup, tembok karo nduwure digawe teko watu boto poteh. Nek arsitekture cungkup kuburane koyok candi, yo ceritane cungkup iku pancene dibangun karo Rojo Mojopahit gawe nebus kelakuane seng gak sak pantese karo utusan Rojo Kamboja, padahal maksude iku apik.
Nek teko sejarah, Leran iku pesisir lor Pulo Jowo seng dadi panggonane perantauan teko daerah Chino, buktine akeh siso-sisone jaman Bandar (perdagangan) abad 10 – 15 M seng diarani situs pasucian. Ndok deso iki onok Kuburane Siti Fatimah Binti Maimun, seng jarene data archeology kuburan iki yo diarani kuburan Islam paling tuwo ndok Asia Tenggara.
Fatimah binti Maimun bin Hibatullah yoiku wong wedok seng agomone Islam matine dino Jumat, 7 Rajab 475 Hijriyah (2 Desember 1082 M).
Haul Leran diadakno pas tanggal 15 syawal. Kuburan iki onok ndok deso Leran Kecamatan Manyar Kabupaten Gresik, jarak e sekitar 7 – 9 Km arah ngulon teko alon-alon Kota Gresik, dadi yo gampang golekane yo akeh kendaraan umum liwat.
Masjid cilik utowo Langgar seng awitan onok ndok deso Leran dibangun karo Syehk Maulana Malik Ibrahim gawe nyiarno agomo Islam, sak durunge mbangun masjid gedhe seng saiki dadi Masjid Jami’ Gresik. Langgar iku nduwe keistimewaan ndok nggone kolam gawe wudlu seng diarani PASUCEN. Sampek saiki sek dipercoyo karo wong-wong nek banyune iso nguwarasno wong loro.
Post a Comment