Nggersik yo dikenal Kota Sejuta Warung Kopi
Kuto Nggersik seng dadi Kuto Santri ambek sejuta masjid dan pesantren, Nggersik seng diarani Kuto Wali polae onok anggota walisongo ndok nggone Nggersik akehe loro yaitu Syehk Maulana Malik Ibrahim ambek Kanjeng Sunan Giri, Nggersik yo dadi Kuto Kerajinan ambek Kuliner, lah gak iso dipungkiri nek Nggersik yo dikenal wong-wong dadi Kuto Sejuta Warung Kopi.
Nggersik diarani Kuto Sejuta Warung Kopi iki disebabno polae saking akehe warung utowo kedai kopi seng onok ndok Kuto Nggersik, didukung ambek tradisine wong Nggersik seng demen tuku panganan ndok njobo omah timbangane masak dewe ndok omah, dadi wong seng nggolek rezeki karo nggawe coro mbukak usaha warung kopi ndok Kuto Nggersik pancene njanjekno.
Tradisine wong Nggersik seng nglakoni transaksi usaha koyok, dagangan kendaraan, dagangan kerajinan ambek macem-macem arane bisnis seng dilakono wong Nggersik ndo nggone, sampek nawakno omah, tanah yo akeh seng dilakoni ndok Warung Kopi. Iso diarani Warung Kopi gawe wong Nggersik yoiku panggon gawe kumpul-kumpul silaturahim ambek nambah konco, yo dadipanggonane bisnis seng cocok.
Warung Kopi ndok Kuto Nggersik iso diarani gak tau sepi teko wong seng teko cangkruk masio ta panggonane Warung Kopi ambek Warung Kopi liyane parek sampek onok seng jejeran, yo nek gawe wong sak njobone Kuto Nggersik, Warung Kopi seng onok ndok Kuto Nggersik kondisine adoh seru teko arane panggonan mewah koyok seng onok ndok nggone kuto-kuto liyane seng wes koyok Coffee Break Internasional. Tapi rosone Kopi teko Warung Kopi seng onok ndok Kuto Nggersik luweh enak karo luweh manteb rasane teko coffee break gedhe seng onok. Sampek wong-wong asli Nggersik nek pas metu nang njobo kuto mesti nggowo kopi bubuk buungkusan teko Warung Kopi ndok Kuto Nggersik gawe ngilangno roso kangen kopi Nggersik, nek wong-wong iku ditakoni opo’o kok sampek nggowo kopi bungusan teko Nggersik padahal ndok kuto liyane yo akeh warung kopi , wong-wong iku mesi njawabe gak onok kopi teko daerah liyane seng rasane iso nendang koyok kopi Warung Nggersik, nek kopi teko warung sak njobone Nggersik rasane koyo uyuhe jaran, jarene…… hehehehehehe koyok tau ngombe uyuhe jran ae wong-wong iku.
Tapi ket pirang-pirang taun seng kari iki ndok wilayah pinggiran Kuto Nggersik akeh ngadek Warung Kopi seng iso ndadekno jenenge Warung Kopi Nggersik dadi elek jenenge ndok pandangane masyarakat, Warung Kopi seng onok ndok pinggiran kuto iku biasane seng nduwe wong teko daerah liyo, koyok teko Tuban ambek Mojokerto, warung-warung iku diarani Warung Kopi Pangkon.
Post a Comment