Kuliner Gresik - Otak-otak Bandeng Gresik

Kuliner Gresik - Otak-otak Bandeng Gresik

Nggone Gresik seng onok nang pesirir lor Jawa, ndadekno Gresik sugeh masakan teko bahan iwak laut yo iwak tambak, contone panganan asli Gresik seng dadi kesenengane wong-wong seng moro nang Gresik, mbuh ta iku dipangan dewe opo dinggo oleh-oleh, yoiki Otak-otak Bandeng Gresik.

Yo polae iku mangkane usaha nggawe otak-otak bandeng wes dadi bisnis omahan seng akeh dilakoni karo wong-wong Gresik. Koen kabeh yo iso ndadekno Otak-otak Bandeng iki dadi usahamu dewe, carane koen iso kulakan Otak-otak Bandeng terus mbok dol maneh, yo iso mbok ke'i merekmu dewe.
Koen yo iso nggawe dewe Otak-otak Bandeng ndek omah, wong sang proso carane loh gak angel.

Ngene loh carane nggawe Otak-otak Bandeng:

1. Bahan-bahan seng digawe 
• Iwak Bandeng
• Santen Kani
• Ndog Ayam 2
• Brambang, Lombok Abang Gedhe, Lombok Cilik, Bawah Putih, Ketumbar, Laos, Kemiri, Gulo karo Uyah diuleg alus.


2. Carane nggawe
• Sisik iwak bandeng resik ono, terus buwaken wedel karo insange sampek resik.
• Terus gepuk ono iwak bandeng iku mau alon-alon nggawe uleg-uleg cek daginge iwak ajur, cek iso di pisahno karo kulite.
• Maringunu balong tengah iwak bandeng mau tugelen seng nemplek ndek ndase bandeng, terus tekuk en gegere bandeng sampek nemplek ndase, lah balung tengah seng wes cuklek mau tariken metu liwat bolongan seng onok nang wetenge.
• Daging iwak bandeng seng wes ajur mau tokno teko njero awake bandeng nggawe sendok, lah daging seng wes metu, seng sek kecmpur kari erine bandeng pisahno nggawe ayakan santen seng teko aluminium karo di unyet-unyet.
• Lah saiki daging seng wes resik teko erine bandeng mau, campuren karo santen kani, ndog ayam sak bumbu-bumbu seng wes diulek alus mau, uleten sampek roto.
• Lah kulite bandeng mau ojok di buwak loh yo.... iku sek digawe maneh.
• Waliken kulite bandeng mau terus resik ono, nek wes resik balekno maneh, terus isien karo uletan daging karo bumbu mau.
• Nek wes mbok iseni kebek, saiki nggone wetenge bandeng seng bolong sujenono cek gak mecotot metu kabeh daginge pas didang.
• Lah siapno dandang gawe ngedang bandeng seng wes diisi daging maneh iku kiro-kiro suwene seprapat jam.
• Sakliyane didang, koen yo iso ngopen Otak-otak Bandeng mau, cek isok keset.

Wes saiki ndang cobaken ojok mantuk-mantuk tok mari moco iki. Hehehehehehehehehehe......