Badan Penanggulangan Bencana Daerah (BPBD) Kabupaten Gresik wes ngirimno 700 trek tengki luweh, kanggo ngirimno banyu resik nang deso-deso seng kangelan nggolek banyu direwangi karo pabrik-pabrik seng nduwe trek tengki, koyok pabrik Petrokimia Gresik.
"Onok 39 deso seng kangelan nggolek banyu, tapi iku wes alon-alon tapi pasti mulai digarapno sarana banyu resik. Onok pengaruh maneh polae gara-gara banyu bengawan solo seng mulai asin pas wayah ketigo, onok 12 deso ndek Kecamatan Dukun seng kangelan banyu resik," jarene Kepala BPBD Kabupaten Gresik Abu Hassan, Senin (14/9/2015).
Teko 39 deso ndek wilayah Gresik Kedul, sek onok 12 deso ndek wilayah Gresik Lor, khususe ndek Kecamatan Dukun.
"39 deso seng wes dipastekno dadi daerah garing seru, polae jarak nggone nggolek banyu adohe 3 km, terus 12 deso ndek Kecamatan Dukun wes di drop banyu resik teko Petrokimia".
Yahmono-yahmene, daerah Gresik Kedul khususe ndek Kecamatan Balongpanggang, Benjeng, Cerme,Menganti karo Kedamean sakben wayah udan mesti oleh kiriman banjir teko Mojokerto.
Tapine, teko akehe banyu pas wayahe banjir , karo Pemkab Gresik dijarno wae banyu iku ilang mili karo amber sak amban-amban nang omahe wong-wong kampung. Kepingine BPBD Kabupaten Gresik, banyu banjir iku ditampung ndek nggone waduk-waduk karo tanggul cek nek pas ketigo iso digawe kebutuhan wong tani yo digawe kebutuhan bendino, dadi gak bingung pas ketigo desone garing ngelenteng.
Post a Comment