Kedadian maleng seng mateni ndek Perumahan Gresik Kota Baru (GKB), Tri Indriyanto, wong Jalan Bintan 41 iku matek dipateni maleng seng melbu omahe.
"Maleng konangan seng duwe omah mangkane tego mateni, seng ilang gak mbejaji blas, cuman henpon sitok seng dijuput. Aku karo kabeh jajaranku sek nggawe olah TKP" jarene Kasat Reskrim Polres Gresik AKP Iwan Haryanto, Rebo (16/9/2015)
Teko informasi seng dikumpulno, kedadian iku pas isuk umun-umun kiro-kiro jam 02.45 WIB. Pas iku bojone korban seng onok nang njero kamar krungu rame-rame nang njero omah, pas diparani dadakno bojone wes ndelok korban nggletak ndek ngisor.
Bojone korban sempat ketok sekilas wong seng dikiro iku malinge iku mlayu, nek jarene maleng iku duwe awak cilik tapi rupane gak ketok jelas polae ketutupan jaket, jarene. Maleng iku dikirokiro melbu liwat cendelo ngarep omah.
Bojone korban seng ndelok korban wes delejeran getih langsung bengok-bengok njaluk tolong tonggone. Korban seng kerjo ndek Petrokimia Kayaku iku langsung digowo nang RS Semen Gresik, tapi pas apene diperikso keadaane karo dokter korban gesusu matek disek.
Wong lanang umur 53 taun iku mati kenek suduk. Onok telung sudukan ndek dodo karo ndase sebelanh tengen bengep koyok mari kenek kepruk,
Post a Comment